Posts Tagged ‘衛奕信徑’

城門水塘

Sunday, January 22nd, 2017

近日受到霧霾影響,高山遠望都是白濛濛一片,實在提不起勁去行山。既然遠景欠奉,我便提議去水塘,因為水塘無遠景,霧霾不霧霾分別也不大。原本計劃了去鶴藪水塘,但因為吃過早餐後忽然肚子痛,半路折返家裡解決。我說既然已經把車開了返家,不如不開車,改為搭車去城門水塘,因為城門水塘沒有泊車位置,這條路線只能搭車前往。

約中午時分抵達城門水塘菠蘿壩小巴站,我本來習慣早上行山的,但因為今天一波三折,算是近年鮮有這樣遲才起步的行山活動。由菠蘿壩起步順時針圍繞城門水塘走,先到城門郊野公園遊客中心,沿菠蘿壩自然教育徑走,然後接上畔塘徑,路上除了遇見幾隻馬騮出來晒太陽外,一直沒遇上令人感興趣的物事,沒有靚景也沒有美食,全程十分悶。中途三上三落,雖然只是幾十米高度,但正值控制飲食期間十分肚餓,走起來感覺渡秒如年。

全程應該要七公里左右,但經過主壩後見有的士,便提前結束行程去吃午飯,所以路程比實際短了一公里。

起點: 城門水塘菠蘿壩
終點:城門水塘主壩
行程:3 小時
里數: 6 公里
難度: 1 星級
時間: 12:00 noon
領隊: 韋信
團員: 韋信、Joan

 

« 1 of 2 »

Taken by Leica M9P with Summicron 50/2 Rigid

流水響郊遊徑

Sunday, January 10th, 2016

自己籌劃的行山活動,第一條路線便是 2003 年的流水響郊遊徑。相隔十二年,是次重遊流水響郊遊徑,以為『行水塘』應該是很 hea 的路段,誰不知短短七公里,竟然是急上急落三百米的路段,看看 Elevation 圖表,當中幾段路都幾乎直上宜落。

因為方便泊車,流水響郊遊徑也是環迴路線,出入口都在流水響水塘,分別只是順時針走的樓梯上斜路落,還是逆時針走斜路上樓梯落,幾乎沒有平走的路。山上有幾個位置可遠眺流水響水塘及九龍坑山,除此之外,該路段並無特別景點。

集合地點: 鶴藪燒烤場
起點: 鶴藪燒烤場
終點: 鶴藪燒烤場
行程: 4 小時
里數: 7 公里
難度: 2 星級,急上急落
日期: 2016-01-10
時間: 11:00 am
領隊: 韋信
團員: 韋信、Joan
地圖: 地圖連結

流水響郊遊徑

« 1 of 2 »

Taken by Leica M9P with Summicron 35/2

鹿頸尤德亭、嘉龍潭

Saturday, January 24th, 2009

各位行山隊友及有興趣參加既朋友:

來緊2009年, Hiking100fun 第二個行山行程訂於下周六 1月24日。由鹿頸起步,經鹿頸村上尤德亭,鳥瞰南涌、鹿頸及谷埔,遠眺對岸沙頭角及鹽田港貨櫃碼頭。尤德亭是一座兩亭相連、呈八角形的中國傳統涼亭,由於前港督尤德經常到此郊遊,故建此亭以示紀念。

回程由另一面落南涌,途經屏嘉石澗及香港最大的壺穴區嘉龍潭。抵達南涌後,海邊建有天后宮,攝影發燒友可以遠打鴉洲 — 香港全大的鷺鳥聚腳地,但經驗所談,無 400mm 都打唔到鴉洲上的鷺鳥,只可以偷拍近岸覓食的鷺鳥。

全程由星級領隊方中信帶隊。有興趣參加當日行山既隊友或朋友,請儘快或於下個星期四的下午5點正前於指定網站報名,新朋友如想參加,可以直接 PM Rookie 或小弟。

行山路線: 鹿頸尤德亭、嘉龍潭
行山日期:1月24日 (即下個星期六)
集合時間: 正午12點
集合地點 : 鹿頸小巴站
起點: 鹿頸
終點: 鹿頸
行山時間: 約2小時內
地道美食:BB 開心茶座



Photo by Alex :

 


團長後記:

係2009年1月24日亦即年29既上午11時左右, 我地一行5架車共20人由上水馬適路開車入去鹿頸, 於十幾分鐘車程內便到達鹿頸既公共停車埸同 nomed 及 Alexchrome 會合, 之後我地便係附緊既 BB 餐廳食咗個 quick lunch, d 咸雞同牛腩麵都唔錯, 而有 d 入鹿頸之前巳食早餐既隊友亦試咗該店幾出名既豆腐花, 大家擾攘一輪吹水唔沬嘴, 等 Alexchrome set 好佢支 Gitzo 腳架影兩幅團照後, 我地呢個 22人既行山團隊便向尤德亭出發. :love_china: :love_china: :love_china:

開始時幾過一些村屋及老屋, 拍友如 Michael, Gundam, Boris 等巳謀殺唔少相機內既 memory, 隨後我地既行山團隊又例牌好自然咁分咗成前, 中, 後, 3 小隊呢個隊形, 行最快既, 係 fr888, lhk, 佢老細同埋佢 d 女仔 friends 啦, 而包尾既就係韋信, cckeric同埋 小弟, 雖然當日天陰陰, 但沿途視野都可以望得幾遠吓, 正當人哋巳差唔多上到尤德亭, 我地尾隊既 cckeric 就仲係到一路上斜路一路大唱波兒 ~~~ 波兒 ~~~ 波兒 ~~~ 搞到連韋信都唱埋一份, 激到 Gundam 個女都頂佢地唔順, 不過咁! 佢個女亦不甘示弱, 唱晒成首波兒出黎串你地班廢柴! :gagag: :gagag: :gagag:

途中小弟發現 Gundam 害人終害己, 佢比架 5D 佢個女一揸手, 之後佢竟然要買返部 400D 比個女玩, 係南丫島攞支 100 2.8 黎毒我? :devil: :devil: :devil:

約下午兩點, 所有人都到達尤德亭, 靚仔韋信又攞暗器出黎毒人, 幫我同佢位女性朋友影咗張合照, 朋友相呢? :question2:

之後眾人話提免不了又係影相, 唔影相嗰 d 如 lhk 同佢女同事等就係到玩手機, 大家又影兩幅團照後, 便向香港最大既壺穴區嘉龍潭前進.

途中阿6又同 Gundam 個女玩差謎語, 當經過一個直升機場時, E7A 好興奮咁啦咗波籮上去影合照, 而 Michael 同 Ruby 兩個人亦好搞鬼咁影咗幅倒雞眼大 close up, 你兩夫妻真係好鬼 Sweet 啊! :inlove2: :inlove2: :inlove2:

無 幾耐之後, 我地終於到咗落去嘉龍潭既入口, 由於落去嘉龍潭既路存在有一定風險, 所以 Gundam 一家人, lhk 既老細同3位女性朋友, nomed 及 cckeric 等都留係入口外, 而小弟同 Alexchrome 就帶頭做敢死隊開路, 隨後有 E7A, 波籮, lhk, 女同事, 阿6, 阿7, 韋信, Michael, Ruby 等等跟住落去嘉龍潭.

由於小弟係上次探路落去嘉龍潭時唔小心比樹枝整傷咗兩隻手指既原故 (其實係傷到食指同中指都冇咗一忽肉仔 :045: :045: :045: ), 所以呢次落去嘉龍潭時分外小心, 幸好所有隊友都安全落到去嘉龍潭睇嗰幾個奇洞. :ebsmile: :ebsmile: :ebsmile:

落去嘉龍潭時既情竟就費事講啦! 不過我要贊吓阿 7 同韋信, 呢次你地又有進步了! :great: :great: :great:

離開嘉龍潭後, 我地一行 22人平平安安咁行返去鹿頸既公共停車埸, 而由於小弟要趕返去食團年飯, 所以便同 nomed, 韋信既女性朋友, lhk既女同事, 及幾位女隊女先行離隊, 出返九龍再過海散水!

Report Pencil! :selfpun: :selfpun: :selfpun:


領隊後記:

領隊後記:話說團長車晒o的女走之後 :hodareu: 餘下十幾人經商議後去左大尾篤既 BB 小廚食 tea。 :eat: 之後我同 Gundam 就以拓海既速度往沙頭角方向走 :motoman: ,『其餘』既人就經汀角路出九龍…. :byebye:

點知係沙頭角公路見到妄煮既車左搖右擺咁趕上黎,我隨即搞低隻窗問:『你去邊啊?你做乜跟我返上水啊?』妄煮成個 :hypno: 樣,九成唔知自己嚮邊處 :gagag: 。最後帶左佢出返粉嶺公路,真正結束是次活動 :love_china:

鹿頸尤德亭

Sunday, July 24th, 2005

從鹿頸村上尤德亭,再沿衛奕信徑第十段尾下走至南涌,出鹿頸路後沿海返回鹿頸。路程較短,沿途石屎路易行,經過村莊,蔬果茶田,山上四週游目,風光美麗,石澗水清透涼。鹿頸對開小島鴉州住著許多白鷺。潮退時,此處可輕易摸到許多大蜆。

起點: 鹿頸
終點: 鹿頸
行程: 2 小時
里數: 4 公里
難度: 2 星級
時間: 11:00 am
領隊: 韋信
團員: 韋信
參考圖片: 圖片連結
地道美食:BB 開心茶座


鹿頸尤德亭

Sunday, February 1st, 2004

從鹿頸村上尤德亭,再沿衛奕信徑第十段尾下走至南涌,出鹿頸路後沿海返回鹿頸。路程較短,沿途石屎路易行,經過村莊,蔬果茶田,山上四週游目,風光美麗,石澗水清透涼。鹿頸對開小島鴉州住著許多白鷺。潮退時,此處可輕易摸到許多大蜆。

起點: 鹿頸
終點: 鹿頸
行程: 2 小時
里數: 4 公里
難度: 2 星級,初段山路上山較難,後段為石屎路。
日期: 2004-02-01
時間: 11:00 am
領隊: 韋信
地道美食: BB 開心茶座


衛奕信徑第十段

Sunday, December 28th, 2003

由八仙嶺北走,經『橫七古道』,再往下走至南涌﹝或鹿頸﹞終點。新娘潭起步,漫步輕登八仙嶺自然教育徑,到達橫山腳下村,越過北橋石路,北行經下七木橋、小山坳及尤德亭,抵達橫跨屏嘉石澗的橋山橋,南涌﹝或鹿頸﹞為終點站。

集合地點: 大埔火車站
起點: 新娘潭
終點: 鹿頸﹝返市區:綠巴 56K 往粉嶺﹞
行程: 4 小時
里數: 6.8 公里
難度: 2 星級,沿路湖光山色,大樹林蔭,屬易行路線。
時間: 10:00 am
領隊: 韋信
團員: 琪琪、Bo Bo、Becky、健、韋信
參考圖片: 圖片連結

w_Y0qLuyf8Bz7BF6sIZxqA

流水響郊遊徑

Sunday, December 14th, 2003

拾級而上,盡覽流水嚮水塘景色。山巒起伏至避雨亭;下山經桔仔山坳可見到荒廢村落。再到龍山橋,可聽到流水琤琤細響。盡賞一片湖光山色。

起點: 流水響水塘
終點: 流水響水塘
行程: 2 小時
里數: 4.4 公里
難度: 2 星級
時間: 12:00 pm
領隊: 韋信
map


Subscribe to RSS feed