由烏蛟騰出發,經九擔租、上苗田、下苗田、三椏涌、三椏村,經犁頭石再回到烏蛟騰。沿途經過多個廢村,飽覽印洲塘景色,並在荔枝窩或三椏村品嚐地道客家走地雞及芋頭扣肉。
集合地點: 烏蛟騰停車場
起點: 烏蛟騰
終點: 烏蛟騰
行程: 6 小時
里數: 14 公里
難度: 2 星級,全程樹蔭。
日期: 2008-10-26
時間: 9:00 am
領隊: 韋信
團員: 100FUN 行山隊
地圖: 地圖連結 | 地圖連結 [橫切面地圖]
參考圖片: 圖片連結 | 圖片連結 | 圖片連結
地道美食:福利茶室
路線圖:
![烏蛟騰至荔枝窩 -- 路線圖](http://www.night-eagle.com/trip/laichiwo/laichi.gif)
團長後記:
首先要多謝咁多位行山隊友參加上個星期日既 Fun Hiking.
![求求你 :sorry:](http://www.av100fun.com/images/smilies/av100sorry.gif)
上 個星期日, 我地五架車分別於唔同既區份開車往烏蛟騰, 好唔好彩, 竟然行到大尾篤遇到阿Sir 封路, 被迫要留係大尾篤商議一倫至由鹿頸嗰邊入去烏蛟騰, 係到我要多謝 Boris 提早入到去大尾篤及給我事先打咗底, 亦勞煩咗韋信同阿富仔先走去鹿頸嗰邊了解解封情況.
![求求你 :sorry:](http://www.av100fun.com/images/smilies/av100sorry.gif)
呢次既經歷, 題醒咗小弟, 以後去郊區之前, 一定要提早上運輸處網頁, 睇睇行山當日, 去起步點的交通路線有冇特別改動.
![自扑數回 :selfpun:](http://www.av100fun.com/images/smilies/av100selfpun.gif)
因 為先前既封路問題, 大隊原本由 9:00am 出發, 變成到10:00am 出發, 而路線由原本既烏蛟騰至荔枝窩大迴環, 變成烏蛟騰至三椏村小迴環, 雖然如此, 呢個改動亦冇令大家興致大減, 當大家影咗 group photo 後, 正式開始行山時, 各隊友都非常之興奮.
由烏蛟騰開始行時, 我地一行21個人隊型非常之整齊, 但過了九担租廢村之後, 因各人步速不同, 我地漸漸亦變咗分成三 team 人, 前中後咁行, 富仔一如以往, 唔係行山係飄山咁, 當然行係最頭啦! 而行山前一晚冇瞓過既 jv 亦因精力過盛, 同富仔並肩而飄, lhk, sai-lo, 鵪鶉仔等等都係先頭部隊之一, 最意想不到, 最令人驚喜既, 就係人人話佢係鳥不起既超級無敵小鋼炮Martin, 你咪睇佢件頭唔細, 原來呢條粉腸一d 都唔弱, 開頭行中後, 轉個身, 竟然成為先頭步隊之一, 同埋富仔佢地於11:20am 咗右到達三椏村.
而Jacky, Bono, 過路人, 藥皇, Eva, Boris, Michael, Ruby, 初哥, 初哥既friend, 韋信, 及小弟等, 都不約而同於11:35am及11:50am 左右到達三椏村, 因阿 victor 真係比較靜咗少少, 所以小弟都冇乜印象你係咩時間到三椏村.
有一樣嘢我一定要講, 我地行山隊當中, 有兩個一定係 4GL, 一個係 Alexchrome, 而別一個係 askaseed, 因為佢兩個, 全程都揸住部單鏡名機, 行吓影吓, 落後咗, 好快又追返上前, 飄來飄去, 飄上飄落, 我好懷疑夠竟佢地係咪同富仔同出一處?
![好懷疑 :question2:](http://www.av100fun.com/images/smilies/av100question2.gif)
好了! 當21人都到咗三椏村後, 又到開餐時間了, 韋信事先係村內既小店訂了兩圍客家菜, 斯文細食既坐埋一圍, 而另一圍就緊係蝗蟲之桌啦! 阿 askaseed 都未對好焦影相, 幾碟餸巳經插咗香咁濟, 邊過有份, 我唔係到
, 總之唔止一個人.
![掩口笑 :gagag:](http://www.av100fun.com/images/smilies/LightSmile.gif)
係處要特別多謝阿Michael 哥為大隊泡製既極品普洱茶, 同埋你既靚 cigar!
![食返支雪茄 :on_haha:](http://www.av100fun.com/images/smilies/yct_92.gif)
又多謝阿 Boris 嫂, Eva 幫大隊收
埋單.
![求求你 :sorry:](http://www.av100fun.com/images/smilies/av100sorry.gif)
到 了大約1:30pm 左右, 我地一行21人, 就開始走別一條路經犁石頭行返去烏蛟騰, 點齊人後開始行冇幾耐, 我地既隊型好快亦分為前中後3批人咁行, 因為呢條路一開始無耐就要上斜, 所以有一兩位隊友會感到有d 吃力, 由其係剛食完飯之後行, d 血去晒條腸道, 供上其他身體部位既氧份自然會少咗, 引至可能唔係咁夠氣力, 所以要慢慢行至得.
以我所知, 行最前既隊友, 只用咗一粒鐘鬆d 就飄咗返去烏蛟騰終點, 行中間既隊友亦於兩粒鐘內返到終點, 在此小弟要多謝各位對小弟及最後一批到達終點既隊友既包容及耐性, 要你地等咗成個幾鐘唔好意思.
![求求你 :sorry:](http://www.av100fun.com/images/smilies/av100sorry.gif)
因為當中有隊友上斜感到些少吃力, 為安全之見, 小弟同埋幾位隊友一同陪伴嗰d 隊友一齊慢慢行返出黎烏蛟騰終點, 小弟要確保咁多人行咗入去, 就一定要有齊咁多人行返出黎, 一個都不能少, 個個都要平平安安. ![面紅紅 :inlove2:](http://www.av100fun.com/images/smilies/av100like.gif)
係呢處我要讚一讚, 初哥進步了唔少, 行多幾次你會更加掂架!
![好極(動) :great:](http://www.av100fun.com/images/smilies/great.gif)
亦要係呢處多謝沿途有唔少隊友用 walkie talkie 或手提關心我地位置所在.
![求求你 :sorry:](http://www.av100fun.com/images/smilies/av100sorry.gif)
其實係行回程呢一段我個人覺得係最 enjoy 既, 因為慢慢行, 我可以有好多時間享受吓d 涼風, 及欣賞一吓四週既風景, 整個人好似回歸大自然咁, 我當時其實好想同阿Michael 講, 不如我地整返普洱慢慢嘆呢?
到咗四點, 我地最後呢批人終於同大隊會合, 怱怱咁飲枝氣水, 咁就抱着依依不捨既心情, 行去停車場取車打道回府, 各自返屋企.
最後係到特別鳴謝初哥, Boris, 96, 及韋信開車, 管接管送各隊友, 以及非常之多謝韋信對行山路線既安排.
![求求你 :sorry:](http://www.av100fun.com/images/smilies/av100sorry.gif)
![求求你 :sorry:](http://www.av100fun.com/images/smilies/av100sorry.gif)
大家我地係11月9日龍蝦灣郊遊徑燒烤之旅再見!
![搖旗 :love_china:](http://www.av100fun.com/images/smilies/love_china.gif)