Posts Tagged ‘海灘’

漫遊南丫島

Saturday, November 12th, 2016

因為九巴新開了上水到中環 IFC 路線,加上原上水到灣仔線加開了分站在中環四號碼頭外,令上水到南丫島及長洲變得非常方便。這次本來計劃到梧桐寨看瀑布,奈何 Joan 忘了帶行山鞋,最後選擇了一條波鞋也可以走的行山徑。

約下午一時抵達南丫島榕樹灣,先到龍華酒家祭五臟廟,龍華的鼓油王炒麵也不錯,但仍及不上谷埔松記。榕樹灣至索罟灣是一條十分繁忙及易行的山徑,又名南丫島家樂徑,除了當地居民穿梭來往外,還會遇上許多內地遊客。

家樂徑近榕樹灣比較多小舖,近索罟灣除了海鮮舖外,還有賣地道海產店舖。中途經過一個賣蜜糖的大叔,他的居所及蜂巢就在小檔的後面,看似原味純正無添加。問起蜜糖的問題,大叔侃侃而談他的威水歷史,還請我多喝一杯蜜糖。

抵達索罟灣時約三點十五分,離回港的船期還有半小時左右,但碼頭已經有幾十人在排隊。上船返回中環碼頭,Joan 要趕回家洗澡出席晚宴,我便乘坐九巴新開的 673 巴士返回上水。

集合地點: 不適用
起點: 榕樹灣
終點: 索罟灣
行程:2 小時
里數: 5 公里
難度: 1 星級
時間: 2:00 pm
領隊: 韋信
團員: 韋信, Joan
地道美食:龍華酒家

map

 

Taken by Leica M9P with Summicron 35/2

上窰郊遊徑

Sunday, April 3rd, 2016

因為上星期行過西灣山,應承了團友選擇了一條比較 hea 的山路。這段路大約可分四段路。第一段是北潭涌至上窰民族文物館,第二段是上窰民族文物館後的梯級路段,第三段是沿海的碎石路至萬宜水庫西壩,而第四段是沿麥理浩徑由西壩返回北潭涌。

早上八時半在北潭涌集合後,便往上窰村進發,經過禁區閘口後,在已結業的發記士多旁小路過橋,上窰村就在對岸。沿途可欣賞對岸的保良局渡假營,經過上窰村後不久便到達上窰民族文物館,可惜文物館要十點才開門,大家只有在門外拍了幾張合照便繼續上路。

經過廢村後,便轉上上窰家樂徑/郊遊徑,在分叉路選擇上窰郊遊徑繼續上梯級至 80 米左右,沿途都是易走的一星級路段。走完梯級後,便是第三段沿海碎石路,高度只是維持在 80 米上下。其實整條上窰郊遊徑都沒有太多景點,唯有第三段沿海路可遠眺對岸的大頭洲及滘西洲,而到接近西壩時可以欣賞創興水上中心及萬宜水庫西壩。

抵達萬宜水庫西壩後,我掏出了教堂送的復活蛋給大家作小點。大家在西壩遊覽及大休後,決定提早結束行程,搭的士出西貢吃午飯,因為就算繼續完成餘下三公里返回北潭涌後也要截的士出西貢,不如提早醫肚。

集合地點: 北潭涌
起點: 北潭涌
終點: 萬宜水庫西壩
行程:2.5 小時
里數: 5 公里
難度: 2 星級
時間: 8:30 am
領隊: 韋信
團員: 韋信, Joan, Karen, Terence
地道美食:NIL

Screen Shot 2016-04-03 at 3.53.54 PM

Taken by Leica M9P with Summicron 35/2

再戰西灣山

Sunday, March 27th, 2016

若說一生人之中,必定會有一件遺憾的事的話,那麼在我的行山歷程當中,(到現時為止)西灣山算是我的遺憾。原因是西灣山有一個美景,就是遠眺西頁赤徑四灘及蚺蛇尖群山,四灘分別是西灣、大浪灣、鹹田灣及東灣,但可惜每次上西灣山都會碰上不太順利的事情,一直沒拍得四灘遠景滿意的照片。

第一次上西灣山是 2005 年,因為誤了時間,要到夕陽西下才落山,四灘的遠景因為逆光關係拍得不好,更匆忙地拍了兩張相片便趕路下山,到出口時已經天色全黑,倒算經歷了一次行山寶貴一課,以後也沒計劃過午後的行山活動。第二次上西灣山是 2010 年,一整日都是陰天,四灘的遠景照當然也沒拍得好。這次是第三次上西灣山,雖然天色造美,但碰巧我和 Joan 的相機電池先後耗盡,連後備電池也擺工,四灘的遠景便只有『望』的份兒。

是次再戰西灣山籌備了幾個星期,選好了天氣較涼的日子,又一直捉縱天氣預報,較早前又完成了三椏村及流水響郊遊徑作熱身。西灣山比較斜及難行,碰巧前一晚 Karen 和排骨 whatsapp 說要一起行山,他們倒算自投羅網了。

因為北潭涌車位緊張,我們相約早上八時集合後,坐的士到東壩起步。因為 Karen 和排骨未到過萬宜水庫東壩,起步前四處遊覽拍照。路段第一站到浪茄,Joan 說小時候常常跟伯伯的遊艇到浪茄,但經陸路到浪茄還是首次,沿途 Joan 向 Karen 和排骨介紹海蝕洞形成的原因及破邊洲跟海蝕洞的關係。

上西灣山的路大約可分三段,首段路線由東壩到浪茄村,途中發生過了一段小插曲,就是遇見一位掛著 Canon 相機獨自行山的女孩子,令我懷念起零五年掛著 Canon 300D 上西灣山的日子。因為女孩一身日本 Columbia 行山套裝服飾,我便給她起了一個花名 -- Yama Girl。在浪茄小休後,第二段路到便是由浪茄到西灣山腰的小亭,都是一星級的梯級山路; 而由山腰小亭到山頂的第三段路,首半段都是一星級屬易行的梯級路,但後半段的路段卻是既斜頗爛的三星級較為困難的山路。抵達山頂小亭大休後,再前走少許,便看見西灣山頂的座標柱及寫著 314 米的高度牌。再前行少許,便看見赤徑四灘及蚺蛇尖群山觀景台。

落山的路程分兩段,第一段由山頂到吹筒坳,屬 2.5 星級路段,算較爛但不太困難。記得零五年第一次行西灣山時,因誤了時間,趕著入黑前去到出口,一路看著日落,一路『飛』落山的狼狽相。落山的首段尾是吹筒坳,那裡也有一個小亭,小休後便離開麥理浩徑,繼續最後一段路到西灣亭終點。這段路全部是石屎路,只是各人挑戰完西灣山後都累了,走得較慢,抵達西灣亭搭後便小巴返回北潭涌。

集合地點: 北潭涌
起點: 萬宜水庫東壩
終點: 西灣亭
行程:5 小時
里數: 7 公里
難度: 3 星級
時間: 8 am
領隊: 韋信
團員: 韋信, Joan, Karen, Terence
地道美食:NIL

Screen Shot 2016-03-28 at 8.08.15 PM

Taken by Leica M9P with Summicron 35/2

東壩、浪茄、西灣山

Saturday, April 24th, 2010

由萬宜水庫東壩作起點,走半小時山路後到達浪茄海灘。攀上陡峭的西灣山後,你可以看到宏偉和遼闊的海岸景色,往北望可見到高聳入雲的蚺蛇尖。往下走經過西灣,後轉走西灣亭作終點。

集合地點: 不適用
起點: 萬宜水庫東壩
終點: 西灣亭
行程: 3.5 小時
里數: 8 公里
難度: 2 星級
日期: 2010-04-24
時間: 9:00 am
領隊: 韋信
團員: 韋信
參考圖片: 圖片連結


Taken by iPhone 3

南丫島模達灣與石排灣

Saturday, May 16th, 2009

從香港仔乘船到模達灣,上岸後沿左面的水泥路走,途經一些半荒廢的村莊,用不著上坡落斜(當然微微的上下坡路還是有的),大約個多小時,南丫島最長的沙灘 ─石排灣就會展現眼前。沿途會經過模達村、榕樹下村、東澳村等。

集合地點: 香港仔
起點: 模達灣
終點: 索罟灣
行程: 2.5 小時
里數: 5 公里
難度: 1 星級,平路易行
日期: 2009-05-16
時間: 12:14 am
領隊: 韋信
團員: 禮禮、豆豆、老汪、Man、Annie、Catherine、Carol、Maggie
地道美食:天虹海鮮酒家


« 1 of 2 »

長洲環島遊

Saturday, April 11th, 2009

各位行山隊友及有興趣參加既朋友:

Hiking100fun 四月份第一個行山活動訂於星期六 4月11日舉行。

今次行 山路線係位於大嶼山東南面、芝麻灣對開的長洲,距離港島只有11公里,是人口最稠密的離島之一。從前長洲是個漁村,到現在長洲仍然保留著很多漁村的傳統。 長洲有8個灣,分別是東灣仔、東灣、觀音灣、南氹灣、西灣、長洲灣、白鰽灣和大貴灣。島上開設了很多特色食肆,不單有漁港特色的海鮮酒家,也有不少西方色 彩濃厚的酒吧和餐廳。

長洲大致上是沒有車輛行駛的,島民都是徒步或踏單車代步。

是次長洲之旅分兩段進行

早上行藍線
長洲碼頭→東灣海灘→滑浪風帆紀念公園→東灣石刻/小長城→觀音灣→天后廟→關公忠義亭→長洲碼頭

中午在碼頭附近食海鮮

下午行綠線
長洲碼頭→北帝廟→長洲消防局→製冰廠→長貴路→桂濤花園→長北路→觀景亭→大貴灣新村→北帝廟→長洲碼頭

是次行程由團友 Amanda 策劃,由星級領隊方中信帶隊。有興趣參加當日行山既隊友或朋友,請儘快或於下個星期三的下午5點正前於指定網站報名,新朋友如想參加,可以直接聯絡韋信或小弟。

行山路線: 長洲之旅
行山日期:4月11日
集合時間: 上午9點正﹝搭9點半船﹞
集合地點: 中環碼頭
起點: 長洲碼頭
終點: 長洲碼頭
行山時間: 約4至5小時
地道美食:地道小食

截止報名時間為四月八日的下午5點正,請儘快報名. :love_china: :love_china: :love_china:

 


GPS Log:

Photo courtesy by Alex

 

Photo courtesy by Boris

 

« 1 of 4 »

 

西貢大浪灣赤徑

Sunday, February 22nd, 2009

大浪灣由四灣(西灣、鹹田灣、大灣及東灣)所組成,位於香港後花園西貢半島的東面,遠離繁囂,水清沙幼,景色美絕,被譽為西貢半島的明珠,而一尖四灣(一 尖指蚺蛇尖)更是香港四大奇景之一。大浪灣故名思義,四季強風吹襲,波瀾壯闊,白浪一排排地沖向沙灘,十分壯觀。而赤徑則深藏於海灣內港,三面環山,終年 風平浪靜,風景如畫般優美。

集合地點: 北潭涌
起點: 吹筒坳
終點: 北潭坳
行程: 5 小時
里數: 8.5 公里
難度: 1 星級,唯西灣至咸田灣一段較斜。
日期: 2009-02-22
時間: 9:00 am
領隊: 韋信
團員: Hiking100fun Group
參考圖片: 圖片連結


Courtesy with Boris

 

« 1 of 3 »

Courtesy with Tsz Lung

 

南丫島環島遊

Sunday, January 11th, 2009

來緊2009年, Hiking100fun 第一個行山團會係1月11日, 亦即下個星期日舉行, 今次會去行南丫島, 由索罟灣起步繞行菱角山一週,返回索罟灣後再向榕樹灣進發, 而索罟灣至榕樹灣之路線是遊人來往榕樹灣及索罟灣的必經之路,沿途除可欣賞洪聖爺海灘的海岸生態,更有機會於索罟灣泥灘找到招潮蟹、彈塗魚和小白鷺等生態小動物。其次,你還能在短短的路程上參觀榕樹灣天后廟及索罟灣天后廟,在索罟灣海邊一帶更會見到據說在二次大戰時日軍把多艘快艇匿藏作戰的神風洞, 當到達榕樹灣後, 便於當地的酒家共進海鮮午餐。

有興趣參加當日行山既隊友或朋友, 請儘快或於下個星期四的下午5點正前報名, 領隊韋信遲些會出連結比大家報名。

行山路線:索罟灣至榕樹灣
行山日期:1月11日 (即下個星期日)
集合時間:上午8點10分
集合地點:中環碼頭 (係往索罟灣的碼頭外等侯)
起點:索罟灣
終點:榕樹灣
行山時間:約4小時內
地道美食:建興阿婆豆腐花、民豐海鮮酒家

如有任何人怕行石級或太辛苦, 可乘 10:20am 往索罟灣, 於11:00am 跟大隊會合去榕樹灣, 但一定要預早告知大隊.

路線圖:



Photo by Michael:

 

« 1 of 3 »

團長後記:

尋日早上7點幾出門口, 雖然係10度左右, 但小弟都唔覺得太凍, 因為尋日係 Hiking100Fun 於2009年舉行行山團既第一炮, 所以小弟個心高興如火! :clap2hands :clap2hands :clap2hands

小 弟係 7點40分巳到咗 去南丫島索罟灣既4號碼頭, 之後便同方中信及Michael 去麥記食咗個早餐, 係8:15am 返到碼頭時巳見到正係到食緊糯米雞既 lhk 同埋佢既女同事, 而則邊就有幾乎瞓過龍既初哥及最早到既車厘子小姐, 冇幾耐之後 Bono, Yan Yan, Yan So, Gundam, Gundam So, 同埋方中信既 friend 都係 8:25am 前到達碼頭.

但係此時我地仲未見到妄煮, 於是乎 call 佢, 不過, 竟然係冇人聽! :a007:

心知妄煮更係仲係張床上發緊綺夢唱緊波兒 … 波兒 … 波兒 … … :a002:

算啦! 我地一行13人上船啦! 本應 Ruby 都會黎但Michael 話佢唔係太舒服, 所以佢亦臨時甩底! 希望 Ruby 快 d 好番啦! :love_china: :love_china: :love_china:

話說係由中環去索罟灣既船程中, 小弟同方中信同佢既 friend 傾緊相機時, 突然前排既大嬸插嘴讚美方中信手上既古董相機, 夠竟呢位大嬸係欣賞方中信手上既古董Contax 相機, 定係欣賞風度翩翩文質彬彬既方中信呢? :struggle:

係 約 9:10am, 大隊便到達索罟灣, 等幾位隊友放等幾兩後, 我哋便影團照, 呢個咁神性既任務, 更係又由至識嘆世界既雪茄王 Michael 大大負責啦! 只要 Michael 一攞出佢既毒門暗器 “八爪魚” 及 D700, 大家便自動自覺排好位等影相, 多謝 Michael 哥! :sorry: :sorry: :sorry:

影 兩張相後, 大隊便開始上路, 過咗一列酒家, 小賣店, 及天后廟就踏上索罟灣家樂徑, 行咗一陣就要上石級同上斜, lhk, 女同事, Yan Yan, Yan So, Bono 等更係行係最前嗰批啦! 而後邊嗰批唔使講都知係邊幾位啦! 因為我哋係機佬要影吓相嘛! :ebsmile: :ebsmile: :ebsmile:

係約10點半前, 所有隊友都上到菱角山上既涼亭, 四周風和日麗, 當中有隊友竟然離隊, 原來係阿 Yan同 lhk表現體力既時間, 佢地兩個跑上對面山頭, 此時我亦再一次打比妄煮, 佢終於以半夢半醒既聲音接聽我既電話, [團長, 唔好意思呀!] 咁我就明白尋日冇人請食飯了! :042: :042: :042:

於是乎我用 Walkie Talkie call 返兩位猛男歸隊, 向石排灣進發, 在向下行之際, 得悉原來女同事係小弟既校友, 呢個世界真係細! :modlaugh:

到石排灣後向榕樹下行之際, 竟然發生了少少意外, 要出動小弟同各隊友行山以來都未用過既急救包! :a005:

點解要出動到急救包? 原來有位女隊友露底, 唔係, 係甩底, 係甩鞋底至啱!

當小弟得悉此事後, 小弟於是乎取出急夠包內既白膠布, 幫該位女隊友隻鞋做咗個小急救, 再加上 Gundam 咁啱有條索繩, 於是乎呢個甩鞋底危機可以即時化解, 之後便再向模達村進發. :ebsmile:

到咗模達村後, 小弟買咗些楊桃同隊友分享, 雖然浸桃皮 d 味又 d 苦苦地, 但桃肉味鮮多汁, 非常解渴, 怕酸既車厘子小姐見初哥食到咁滋味, 終於都比面試返個. :modlaugh:

食完楊桃後, 就係玩毒人遊戲時間, 方中信竟然叫 Gundam 攞支 100 Marco 出黎毒我, 呢次真係多得你地兩位唔少呀! :045: :045: :045:

比人毒完後, 再行前少少, 又竟然見到有村民用柴爐燒飯! 正呀! 隔離阿婆 d 飯, 真係香 d 架! :038: :038: :038:

同 村民傾幾句後, 大隊又再上山, 途經在山上望見模達灣水清見底, 正係好機會比小弟 practice 吓 用CPL既機會, 之後大家都覺得有 d 肚餓, 行多半個鐘, 約12:45左右, 大隊便回到索罟灣, 眾人便係該處食 d 小食如花生, 魚旦, 雞屎滕茶果等充機, d 雞屎滕茶果真係好正架! :great:

大家掃完一輪街後, 便行去榕樹灣. :love_china:

由索罟灣行去榕樹灣, 竟然又要上山落山, 妄煮甩底對我地黎講係壞事, 但對佢黎講可能係好事! :coldsweat2: :coldsweat2: :coldsweat2:

當上到最後一個高點, 嗰處又有一個涼亭, 小弟到步後, 又聽到又需要出動急救包既求救信訊號. :a005:

原來該位女隊友, 另一隻鞋大叫肚餓呀! 個口可以開到好似暴龍咁大! :what: :what: :what:

好 在當中有隊友立制攞條粗丈根出黎, 沽住小鞋仔把口, 當係涼亭後影完團照, 我地便向阿婆豆腐花店前進, 而好幾位隊友如方中信既 friend, lhk, yan yan, yan so, 及女同事等, 亦先行幾廿步, 包上風車山, 睇一睇架風車, 而其餘隊友就先去食阿婆豆腐花, 在等侯上風車山既隊友歸隊前, 小弟同 Michael 便係附近既農地同個阿伯吹吓水, 阿伯非常之好人, 教我地點樣簡菜同煮菜, 回到豆腐花店時, 見到先前同佢玩過既貓仔, 如嘆咁坐咗上車厘子小姐既玉腿上, 好 cute 呀! :inlove2:

無幾耐 lhk, yan yan 等便歸隊, 趁佢地等食豆腐花時, 我地便 hea 吓 hea 吓咁行去榕樹灣, 無幾耐, 所有人又歸隊, 入到榕樹灣, 當中又有隊友忍唔住, 要食返串串燒, 方中信亦請咗小弟食咗一串牛肉串燒, 好正呀! 多謝信信! :011: :011: :011:

之後大隊便係一間味到 ok, 但貴夾唔抵既 fu fa late lunch, 各位真係唔好意思呀! :eusa_wall: :eusa_wall::eusa_wall: :selfpun: :selfpun:

食完 late lunch 後, 我地便坐 5pm 船返去中環, 係船程中, Michael 又攞佢既 headphone 出黎毒小弟. :a002:

到 5:25pm 左右, 船巳抵達中環碼頭, 各人係碼頭外, 吹咗幾分鐘水, 便抱着一個行咗10公里又上山又落山頗疲倦既身驅各自回家.

多謝咁多位行山隊友參加尋日呢個咁開心既行山活動! :sorry: :sorry: :sorry:

多謝方中信同佢既 friend 協助帶路, 多謝 Michael 幫手影團照, 多謝 Bono 幫手買豆腐花, 多謝 Gundam 幫我影咗唔少相, 同埋要多謝所有機佬毒害小弟! :011: :011: :011:

Report Pencil! :selfpun: :selfpun: :selfpun:

 

東平洲環島遊

Sunday, November 23rd, 2008

[Fun Hiking 十一月號 – 第二炮] 11月23日 東平洲環島遊

各位行山隊友及有興趣參加既朋友: 來緊11月23日既行山團, 我地會去東平洲環島遊

由於小弟想帶給大家有一個比較有彈性既行程, 小弟現正考慮租船從馬料水碼頭往返東平洲, 及有可能在船上為大家安排自助午餐既關係, 小弟十分之需要在短時間內知到實際參加東平洲環島遊的總人數, 所以之前有參加過行山團既隊友, 及之前有報過名行山但又去唔到既朋友, 請於儘快或於今個星期四的下午5點正前, 在 [Confirmation List] 下面的人名名單內, 或經 PM / email, 確認是否參加.

至於之前未報過名參加行山團既朋友, 我地亦一樣歡迎你在 [新加入名單] 下面報名參加, 但請你地在報名時, 一定要確認可以參加, 同埋一定要 PM 你既名, 手提電話號碼, 及電郵地址給小弟, 如只在[新加入名單]內加上你個名而又唔 PM 你既資料比小弟, 你既報名一律不會受理, 多謝合作!

行山路線: 平洲環島郊遊徑
行山日期: 11月23日 (即下個星期日)
集合時間: 暫定為上午8點半
集合地點 : 暫定為馬料水碼頭
起點: 東平洲碼頭
終點: 東平洲碼頭
來回船程: 約3小時
行山時間: 約3小時
地道美食:坪洲士多

預計全天所需時間: 由上午8點半至晚上6點45分

由馬料水碼頭往返東平洲碼頭, 如不租船, 所需費用: $80/人
如租船由馬料水碼頭往返東平洲碼頭 + 自助午餐, 所需費用: TBA
前往馬料水碼頭方法:
1. 可由大學火車站步行至馬料水2號碼頭(約15分鐘)
2. 可於沙田火車站(B出口轉左),步行斜路往乘綠色專線小巴27號前往馬料水渡輪碼頭(終點站為香港科技園)

行山路線圖:


« 1 of 2 »

團長後記:

首先多謝各位尋日參加 Fun Hiking 既東平洲環島遊. :sorry: :sorry: :sorry:

尋 日早上, 我地一行17人分別於8點半左右到達馬料水碼頭集合, 原來假日真係有好多人去東平洲, 我地咁多人, 如果唔提早 d訂飛, 同埋早少少去到碼頭, 真係分分鐘有人冇得上船, 幸好多謝各位合作, 我地成班嘩鬼個個都上到架船, 而船亦準時於9點開出向東平洲出發.

係船上, 我地各人都有講有笑, 完全感覺唔到有任何人有暈船浪既問題, 所以因為怕暈船浪而冇參加今次東平洲環島遊既朋友, 你地走寶了.

小弟真係冇認錯人, 原來小弟係好幾年之前, 巳經同 DonDon 見過面, 大家仲一齊係同一隻船內相處咗十日八日, 尋日見返呢個舊相好, 真係好開心! :inlove2: :inlove2: :inlove2:

經過1.5小時既船程, 我地終於到達東平洲了! :clap2hands :clap2hands :clap2hands

突然記起, 話說尋日係坐船期間, 同紅葉談起中國既語言, 原來古時 d 人好多都係講廣東話, 唔怪得用廣東話讀唐詩比起用普通話讀較流暢, 而我亦趁機問佢個 “囧” 字點讀, 依家我終於知點讀啦! 紅葉兄, 果然係一個文人! :great: :great: :great:

好 了! 當我地到達東平洲後, 由於起點人山人海, 我地擾攘咗一段時間約11點先開始行[平洲環島郊遊徑], 行咗數分鐘, 我地便係一個石灘取景影 Group Photo, 呢次由 askaseed 負責, 嘩! 支鏡好勁呀! 幅相影都個個都好靚仔靚女! 呂良偉同方中信好 Man 呀! :001: :001: :001:

之後, 由富仔, 盲俠, 阿良, DD, Bono 等帶頭行, 我地經過一個廢墟, 其間小弟見到有唔少廢人係處影廢墟, 再過無幾耐, 我地到達天后宮, 係等侯其餘幾位隊友到達前, 當中竟然有人係天后宮門前大講痾屎, 真係有辱天后娘娘呀! :patpat1:

人齊之後, 我地沿岸邊石灘行, 沿途天然石景壯觀, 紅葉問我覺唔覺得好似身處火星, 我自己都有d 呢種感覺, 可惜東平洲屬保護區, 如果唔係尋日我巳經執咗好多石頭及貝殼返屋企. :ebsmile:

行到去更樓石, 係石崖邊望出去, 真係好正! :a012:

人齊後, 我地就沿小路行, 當時紅葉問我, 遠望海邊又黑又濕既石灘嗰邊係咪難過水, 我當時都有 d 懷疑 , 冇理由難過水真係咁 challenging 呱? 點知當我地向小山向上行時, 才發現海邊又黑又濕既石灘嗰邊真係難過水, 不過算啦! 我地一行成17人, 行難過水唔多唔少都有 d 風險, 因為嗰時成12點幾, 巳開始潮漲. 到行到上小山頂時, 聽到崖下 d 浪打到澎澎聲, 我都慶幸大家冇行難過水. :ebsmile: :ebsmile: :ebsmile:

我地沿住小路係小山崖上行時, 阿妄煮話我地呃佢話唔使點上山, 我冇心呃你架, 因為之前我地都冇人黎過, 睇地圖條路線真係只睇到沿岸行吧! :sorry: :sorry: :sorry: :ebsmile: :ebsmile: :ebsmile:

話時話, 阿 7, 狀態越來越掂, 可以行鳳凰山之日, 不遠巳! :great: :great: :great: :love_china: :love_china: :love_china:

到我地去到斬頸洲後, 紅葉同妄煮就知由捷徑走回坪洲士多, 而小弟, Bono, 阿7, Gundam, 富仔, askaseed, lhk, DD, 阿6, 及其他隊友, 一行15人, 又沿着原本路線行, 臨尾一段係沙灘, 眾人懷看既興奮又肚餓既心情, 行完成個島, 最後到達坪洲士多跟紅葉同妄煮會合, 然行共進一個美味午餐. :eat: :eat: :eat:

:eat: 完午餐後, 有好幾位隊友中飯毒 :044: 咗一陣, 阿6, DD, 妄煮及富仔就鋤大D, 紅葉, Bono, 及阿7同佢d 朋友等, 就係處圍觀, askaseed 同佢個好朋友就去咗影相.

到約下午4點, 士多阿姐同我講話有船早走, 我地17人又剛剛好趕得及上呢一班船, 真係正正! 而於5:45pm, 我地終於返到馬料水碼頭, 眾人依依不捨咁各自歸家! :hello: :hello: :hello:

尋日真係行得好 happy, 風景正, 隊友又搞笑, 多謝各位隊友參加! :sorry: :sorry: :sorry: :modlaugh: :modlaugh: :modlaugh:

 

西貢大浪灣赤徑

Monday, March 28th, 2005

大浪灣由四灣(西灣、鹹田灣、大灣及東灣)所組成,位於香港後花園西貢半島的東面,遠離繁囂,水清沙幼,景色美絕,被譽為西貢半島的明珠,而一尖四灣(一 尖指蚺蛇尖)更是香港四大奇景之一。大浪灣故名思義,四季強風吹襲,波瀾壯闊,白浪一排排地沖向沙灘,十分壯觀。而赤徑則深藏於海灣內港,三面環山,終年 風平浪靜,風景如畫般優美。

集合地點: 北潭涌巴士站 或 西灣亭 (10:30am)
起點: 吹筒坳
終點: 北潭坳
行程: 5 小時
里數: 8.5 公里
難度: 1 星級,唯西灣至咸田灣一段較斜。
日期: 2005-03-28
時間: 10:00 am
領隊: 韋信
團員: 韋信、Amy、Carina、敏、Lily、珮
參考圖片: 圖片連結


« 1 of 2 »
Subscribe to RSS feed