Posts Tagged ‘動物’

谷埔短遊

Wednesday, January 1st, 2014

久違了的 hiking100fun 圍長伉儷除夕日忽然急 call 說想元旦日行山,但因為 Katie 下午有事,只能選擇較短路線。經一輪商討後決定了該次谷埔短行。不知何故,當天的名車大都『賴死唔走』,連累團長要泊上凰坑家樂徑的停車場,無獨有偶,跟當年 hiking100fun 第二次的盈生之旅的路程幾乎相同,唯一分別是我們沒到盈生農場(不預早一個月訂位不成),到了谷埔另一家食肆:松記。

集合地點: 鹿頸
起點: 鳳坑家樂徑
終點: 鹿頸
行程: 3 小時
里數: 6 公里
難度: 1 星級
時間: 9:00 am
領隊: 韋信
團員: Geoff, Katie, 韋信, Joan
地道美食:松記

1501458_10151894974490488_1582497709_o


« 1 of 2 »

Taken by Leica M8 with Summicron 50/2

鶴藪郊遊徑

Sunday, December 1st, 2013

大半年沒行山了。最近秋高氣爽,百忙中抽空行了一轉鶴藪效遊徑。這次還是我第一次帶 Leica 上山。行程完結後,鶴藪效遊徑依舊美麗及多姿多彩,但每次總是拍不出滿意的作品,天時地利人和總是差了一點東西。今天天氣不錯,手上的器材也精良,但可惜上來的時間不對 -- 逆光了。

行山路線: 鶴藪郊遊徑
集合時間: 上午9點正
集合地點 : 鶴藪燒烤場
起點: 鶴藪燒烤場
終點: 鶴藪燒烤場
行山時間: 約 1 小時
團員: 韋信、Joan


Taken by Leica M8 with Summicron 50/2

南生圍

Sunday, July 28th, 2013

南生圍位於香港元朗橫洲東面,被錦田河及山貝河包圍。兩河之間的交匯處有一小島,猶如一個雀鳥天堂。因為水退時,小島泥灘旁有很多候鳥會在該處停留,尤其是黑面琵鷺。除鳥類外,南生圍內亦有不同種類的植物及生物,如赤桉樹、蘆葦、紅頭潛鴨、青頭潛鴨及招潮蟹等等。

南生圍的美景不僅吸引雀鳥,近年不少市民,特別是攝影愛好者,皆會趁假日到來觀鳥拍照。一大片的山林美景、蜿蜒河流及長木橋等等亦成為拍攝婚紗照的理想背景。而南生圍的山貝河還有極具特色的交通工具——橫水渡,成為當地的旅遊賣點。南生圍路旁一片高聳的大樹,被蘆葦草環繞的大片魚塘,亦是無數電影、電視及音樂短片的取景勝地,如香港電影《導火線》的兩名主角甄子丹及鄒兆龍的打鬥場面,就是穿梭於南生圍拍攝。

起點: 不適用
終點: 不適用
行程: 1 小時
里數: 0.5 公里
難度: 1 星級
時間: 3:00 pm
領隊: 韋信
團員: 韋信、Joan
地道美食:成記士多


Rolleiflex 3.5F planar white face + Fujicolor Superia Reala 100

盈生之旅

Sunday, January 16th, 2011

行程重點到沙頭角區的谷埔,來趟眾村漫遊,由老圍、新屋下至二、三、四、五肚、鳯坑等逐一探訪,來回選擇沿海路線,飽覽沙頭角美境。行程重點是四肚盈生農場,享受在林蔭下、瀑布前美味的傳統客家菜:炆豬肉、炆南瓜、番薯粟米飯及發哥激賞的黃酒煮雞等等。

集合地點: 鹿頸
起點: 鹿頸
終點: 鹿頸
行程: 3 小時
里數: 6 公里
難度: 1 星級
日期: 2011-01-06
時間: 8:00 am
領隊: 韋信
地道美食:盈生農場


« 1 of 2 »

The full sized images are available to download here.

長山古寺、照鏡潭

Saturday, July 31st, 2010

長山古寺位於禾徑山廟徑,原稱「長生庵」,約於一七八九年由打鼓嶺區的萊洞、萬屋邊和坪源合鄉約(包括坪洋、瓦诖下、禾徑山及坪輋)六條村落共同興建。廟 內供奉佛祖、觀音及地藏王。廟徑過去曾是旅客經沙頭角前往深圳的必經之路,因此長山古寺亦一度作為旅客中途歇腳的地方,供應茶水之類的服務。據廟內木匾額 所記,現存兩進式的結構相信是同治七年(一八六八年)重建而成。該廟於一九九八年被列為法定古蹟。

照鏡潭,原名灶頸潭,位於香港新界的大埔區和北區之船灣郊野公園。景點包括「照鏡潭瀑布」及「照鏡潭」,瀑布的高度達35米,水花四濺,令觀光客有極端清涼的感覺。沿著水潭邊,有幾塊巨岩可供仰臥,感受天然景觀。水潭共有兩層:頂層由水潭頂部通往一個圓孔瀉下河水而形成,孔高約3米,河水由頂層流往下層,下層的水潭被稱為「譅龍潭」。它被譽為香港最壯觀的瀑布,吸引了不少觀光客前往拍照。

起點: 不適用
終點: 不適用
行程: 1 小時
里數: 0.5 公里
難度: 1 星級
時間: 3:00 pm
領隊: 韋信
團員: 韋信、Geoff


谷埔探路﹝二﹞

Sunday, January 17th, 2010

行程重點到沙頭角區的谷埔,來趟眾村漫遊,由老圍、新屋下至二、三、四、五肚、鳯坑等逐一探訪,來回選擇沿海路線,飽覽沙頭角美境。行程重點是尋找聞名的隱世食肆 ── 盈生農場,因為上次搵唔到 ….

集合地點: 鹿頸
起點: 鹿頸
終點: 鹿頸
行程: 3 小時
里數: 5 公里
難度: 1 星級
時間: 9:00 am
領隊: 韋信
團員: 韋信、Geoff、Yan、Joyce、Carman
地道美食:松記士多


麥理浩徑第一段

Sunday, February 8th, 2009

各位行山隊友及有興趣參加既朋友:

Hiking100fun 二月份第一個行山活動訂於今個星期日 2月8日舉行。

今次行山路線是麥理浩徑第一段,第一段環繞著西貢東郊野公園內的萬宜水庫南部而行,是一個舒適的開始,大部分路徑都是平坦的,只有小量略帶坡度的段落。此路徑的起點設於北潭涌,沿著西貢萬宜路走,經過萬宜水庫的東壩和西壩,路途上有很多支路直達沿岸的舊村,最令人讚嘆的是在終點處東霸 — 滿佈了奇石的海岸。

全程由星級領隊方中信帶隊。有興趣參加當日行山既隊友或朋友,請儘快或於今個星期四的下午5點正前於指定網站報名,新朋友如想參加,可以直接 PM 韋信 或小弟。

行山路線: 麥理浩徑第一段
行山日期:2月8日 (即今個星期日)
集合時間: 上午9點正
集合地點: 北潭涌巴士總站
起點: 北潭涌
終點: 萬宜水庫東壩
行山時間: 約4小時

由於要儘量為隊友安排順風車入北潭涌,所以截止報名時間一定會是今個星期四的下午5點正,請儘快報名.

麥理浩徑第一段

麥理浩徑第一段

 

« 1 of 2 »

Photo by 子龍

 

領隊後記:

因為團長抱恙唔黎得,今次後記由我黎寫 …. 二月八日天未光,仲 :044: 緊果陣,團長 :028: :『啊領隊,我姨媽到唔黎得 :mk_gossip: …….. :a005: 』加上噚晚富士又話要返鎖羅盆、天林叔又『 :eusa_wall: :eusa_wall: :eusa_wall: 』所以今日未出發已經有幾位團友要缺席 :042: 最幣當中仲要有兩個係司機 … :mk_thunder: 。16 個巿區人入黎,得兩部車,呢次真係要考過河 IQ 題嘞。 :hypno: 但好一個夠雷氣既團長,為團友兩脅插力、上刀山落油鑊,赴湯渡火不在話下,崖住姨媽到既痛楚 :bigeye: 車晒成棚港島區既團友黎… :sorry: :sorry: :sorry:九點左右,一行十幾人黎到集合點北潭涌 …. 團長交帶左個名單比我之後就 :hello: :hello: :hello: ,是日既行程正式開始。

全段只有開頭一段係上斜路,其餘全段都係平路,加上個天陰陰地,涼風送爽 :fleaves: 。一路上,幾位影相友留後,細聲 :mk_gossip: 講大聲 :mk_d04: ,話題離不開『團長』、『美沙酮』、『菜斯』、『康得士』 :question2: :question2: :question2: 等等,無驚無險就黎到第一個景點:『西壩』。就係呢處,竟然歷史重演,又有團友隻鞋行到甩底 …. :what: ….. 因是次行程全係馬路,當中竟然有無良團友提議團長係巿區買對鞋送入黎 :patpat1:係西壩短暫停留之後,就向終站出東壩出發 :love_china: 。路上傾下講下,同阿 Yan 講起一o的好深層次既問題 :readbook: …… 到接近東壩之際,有人話是次行程唔夠喉,提議入埋浪茄 :love_china:

無幾耐,終於抵達『終點』站:東壩,各人都情不自禁: …. 好靚啊 :forgiveme: …. 好靚啊 :forgiveme: …. 好靚啊 :forgiveme: …. 全團人除左我同藥皇/藥皇 so 之外,由東壩中段落底部,向右『間』水參觀岩洞,再經崖邊到外壩,繞一圈返回東壩頂部。當中有一段插曲:Boris 竟然係岩洞深處遇見一位幾十年無見既同班同學 :socold: ……….. :ghost: … 小弟同藥皇/藥皇 so 都無去岩洞,都係經大路到外壩略略參觀後到東壩涼亭小休,一等就等左個幾鐘 :044: 。其間,竟然收到小弟遠在美國的大哥 :028: ….. 因為小弟全程開著 GPS Tracking System,佢可以實時上網道我地既位置,佢問:乜解你粒幾鐘都係同一個地點,係咪發生咩事? :maskman:

最後,隊員係東壩 hea 完後,又累又餓,擱置左浪茄既臨時行程。係涼亭集合時,當中有團友見有妹妹仔攝影友路過,換上支牛咁大既鏡頭扮專家咁向人搭訕 :a009: :a009: :a009: 直至的士黎到先依依不捨咁講 :byebye: 最後我地分四架的士出返北潭涌,奇怪既係六師兄架車竟然又會多左兩個妹妹仔 :pp_ques: 一行十七人,藥皇/藥皇 so 見私家車位唔夠坐,自動請纓搭巴士返屋企 :sorry: 其餘十五人就落西貢食泰菜 :eat: 。埋單結算:一圍枱,每人一個碟頭飯 + 凍飲,盛惠六十幾;另一圍大魚大肉,又雞又茄喱明蝦又冬陰公又拼盤又隊埋啤先係八十 …. :struggle:

最後希望團長早日康復,另外希望天林叔可以重出江湖 …. :love_china:

 

南丫島環島遊

Sunday, January 11th, 2009

來緊2009年, Hiking100fun 第一個行山團會係1月11日, 亦即下個星期日舉行, 今次會去行南丫島, 由索罟灣起步繞行菱角山一週,返回索罟灣後再向榕樹灣進發, 而索罟灣至榕樹灣之路線是遊人來往榕樹灣及索罟灣的必經之路,沿途除可欣賞洪聖爺海灘的海岸生態,更有機會於索罟灣泥灘找到招潮蟹、彈塗魚和小白鷺等生態小動物。其次,你還能在短短的路程上參觀榕樹灣天后廟及索罟灣天后廟,在索罟灣海邊一帶更會見到據說在二次大戰時日軍把多艘快艇匿藏作戰的神風洞, 當到達榕樹灣後, 便於當地的酒家共進海鮮午餐。

有興趣參加當日行山既隊友或朋友, 請儘快或於下個星期四的下午5點正前報名, 領隊韋信遲些會出連結比大家報名。

行山路線:索罟灣至榕樹灣
行山日期:1月11日 (即下個星期日)
集合時間:上午8點10分
集合地點:中環碼頭 (係往索罟灣的碼頭外等侯)
起點:索罟灣
終點:榕樹灣
行山時間:約4小時內
地道美食:建興阿婆豆腐花、民豐海鮮酒家

如有任何人怕行石級或太辛苦, 可乘 10:20am 往索罟灣, 於11:00am 跟大隊會合去榕樹灣, 但一定要預早告知大隊.

路線圖:



Photo by Michael:

 

« 1 of 3 »

團長後記:

尋日早上7點幾出門口, 雖然係10度左右, 但小弟都唔覺得太凍, 因為尋日係 Hiking100Fun 於2009年舉行行山團既第一炮, 所以小弟個心高興如火! :clap2hands :clap2hands :clap2hands

小 弟係 7點40分巳到咗 去南丫島索罟灣既4號碼頭, 之後便同方中信及Michael 去麥記食咗個早餐, 係8:15am 返到碼頭時巳見到正係到食緊糯米雞既 lhk 同埋佢既女同事, 而則邊就有幾乎瞓過龍既初哥及最早到既車厘子小姐, 冇幾耐之後 Bono, Yan Yan, Yan So, Gundam, Gundam So, 同埋方中信既 friend 都係 8:25am 前到達碼頭.

但係此時我地仲未見到妄煮, 於是乎 call 佢, 不過, 竟然係冇人聽! :a007:

心知妄煮更係仲係張床上發緊綺夢唱緊波兒 … 波兒 … 波兒 … … :a002:

算啦! 我地一行13人上船啦! 本應 Ruby 都會黎但Michael 話佢唔係太舒服, 所以佢亦臨時甩底! 希望 Ruby 快 d 好番啦! :love_china: :love_china: :love_china:

話說係由中環去索罟灣既船程中, 小弟同方中信同佢既 friend 傾緊相機時, 突然前排既大嬸插嘴讚美方中信手上既古董相機, 夠竟呢位大嬸係欣賞方中信手上既古董Contax 相機, 定係欣賞風度翩翩文質彬彬既方中信呢? :struggle:

係 約 9:10am, 大隊便到達索罟灣, 等幾位隊友放等幾兩後, 我哋便影團照, 呢個咁神性既任務, 更係又由至識嘆世界既雪茄王 Michael 大大負責啦! 只要 Michael 一攞出佢既毒門暗器 “八爪魚” 及 D700, 大家便自動自覺排好位等影相, 多謝 Michael 哥! :sorry: :sorry: :sorry:

影 兩張相後, 大隊便開始上路, 過咗一列酒家, 小賣店, 及天后廟就踏上索罟灣家樂徑, 行咗一陣就要上石級同上斜, lhk, 女同事, Yan Yan, Yan So, Bono 等更係行係最前嗰批啦! 而後邊嗰批唔使講都知係邊幾位啦! 因為我哋係機佬要影吓相嘛! :ebsmile: :ebsmile: :ebsmile:

係約10點半前, 所有隊友都上到菱角山上既涼亭, 四周風和日麗, 當中有隊友竟然離隊, 原來係阿 Yan同 lhk表現體力既時間, 佢地兩個跑上對面山頭, 此時我亦再一次打比妄煮, 佢終於以半夢半醒既聲音接聽我既電話, [團長, 唔好意思呀!] 咁我就明白尋日冇人請食飯了! :042: :042: :042:

於是乎我用 Walkie Talkie call 返兩位猛男歸隊, 向石排灣進發, 在向下行之際, 得悉原來女同事係小弟既校友, 呢個世界真係細! :modlaugh:

到石排灣後向榕樹下行之際, 竟然發生了少少意外, 要出動小弟同各隊友行山以來都未用過既急救包! :a005:

點解要出動到急救包? 原來有位女隊友露底, 唔係, 係甩底, 係甩鞋底至啱!

當小弟得悉此事後, 小弟於是乎取出急夠包內既白膠布, 幫該位女隊友隻鞋做咗個小急救, 再加上 Gundam 咁啱有條索繩, 於是乎呢個甩鞋底危機可以即時化解, 之後便再向模達村進發. :ebsmile:

到咗模達村後, 小弟買咗些楊桃同隊友分享, 雖然浸桃皮 d 味又 d 苦苦地, 但桃肉味鮮多汁, 非常解渴, 怕酸既車厘子小姐見初哥食到咁滋味, 終於都比面試返個. :modlaugh:

食完楊桃後, 就係玩毒人遊戲時間, 方中信竟然叫 Gundam 攞支 100 Marco 出黎毒我, 呢次真係多得你地兩位唔少呀! :045: :045: :045:

比人毒完後, 再行前少少, 又竟然見到有村民用柴爐燒飯! 正呀! 隔離阿婆 d 飯, 真係香 d 架! :038: :038: :038:

同 村民傾幾句後, 大隊又再上山, 途經在山上望見模達灣水清見底, 正係好機會比小弟 practice 吓 用CPL既機會, 之後大家都覺得有 d 肚餓, 行多半個鐘, 約12:45左右, 大隊便回到索罟灣, 眾人便係該處食 d 小食如花生, 魚旦, 雞屎滕茶果等充機, d 雞屎滕茶果真係好正架! :great:

大家掃完一輪街後, 便行去榕樹灣. :love_china:

由索罟灣行去榕樹灣, 竟然又要上山落山, 妄煮甩底對我地黎講係壞事, 但對佢黎講可能係好事! :coldsweat2: :coldsweat2: :coldsweat2:

當上到最後一個高點, 嗰處又有一個涼亭, 小弟到步後, 又聽到又需要出動急救包既求救信訊號. :a005:

原來該位女隊友, 另一隻鞋大叫肚餓呀! 個口可以開到好似暴龍咁大! :what: :what: :what:

好 在當中有隊友立制攞條粗丈根出黎, 沽住小鞋仔把口, 當係涼亭後影完團照, 我地便向阿婆豆腐花店前進, 而好幾位隊友如方中信既 friend, lhk, yan yan, yan so, 及女同事等, 亦先行幾廿步, 包上風車山, 睇一睇架風車, 而其餘隊友就先去食阿婆豆腐花, 在等侯上風車山既隊友歸隊前, 小弟同 Michael 便係附近既農地同個阿伯吹吓水, 阿伯非常之好人, 教我地點樣簡菜同煮菜, 回到豆腐花店時, 見到先前同佢玩過既貓仔, 如嘆咁坐咗上車厘子小姐既玉腿上, 好 cute 呀! :inlove2:

無幾耐 lhk, yan yan 等便歸隊, 趁佢地等食豆腐花時, 我地便 hea 吓 hea 吓咁行去榕樹灣, 無幾耐, 所有人又歸隊, 入到榕樹灣, 當中又有隊友忍唔住, 要食返串串燒, 方中信亦請咗小弟食咗一串牛肉串燒, 好正呀! 多謝信信! :011: :011: :011:

之後大隊便係一間味到 ok, 但貴夾唔抵既 fu fa late lunch, 各位真係唔好意思呀! :eusa_wall: :eusa_wall::eusa_wall: :selfpun: :selfpun:

食完 late lunch 後, 我地便坐 5pm 船返去中環, 係船程中, Michael 又攞佢既 headphone 出黎毒小弟. :a002:

到 5:25pm 左右, 船巳抵達中環碼頭, 各人係碼頭外, 吹咗幾分鐘水, 便抱着一個行咗10公里又上山又落山頗疲倦既身驅各自回家.

多謝咁多位行山隊友參加尋日呢個咁開心既行山活動! :sorry: :sorry: :sorry:

多謝方中信同佢既 friend 協助帶路, 多謝 Michael 幫手影團照, 多謝 Bono 幫手買豆腐花, 多謝 Gundam 幫我影咗唔少相, 同埋要多謝所有機佬毒害小弟! :011: :011: :011:

Report Pencil! :selfpun: :selfpun: :selfpun:

 

大棠自然教育徑

Saturday, October 14th, 2006

大棠自然教育徑由大棠路旁的燒烤地點為起點,以大棠苗圃為終點。全長四公里, 步程約需兩小時。此徑全程都是林地,景色怡人。途中更設有清晰說明牌。附近亦有大棠樹木研習徑。

集合地點: 不適用
起點: 大棠路燒烤場
終點: 大棠路燒烤場
行程: 3 小時
里數: 4 公里
難度: 1 星級
時間: 11:00 am
領隊: 韋信
團員: 韋信、龍、琪琪、Beball
參考圖片: 圖片連結


« 1 of 2 »

沙螺洞

Sunday, November 20th, 2005

沙螺洞,又名沙羅洞,位於大埔新市鎮東北面。整個山谷位於主水平基準一百六十米以上,東北面及東面為黃嶺及屏風山,西面為九龍坑山,這三面皆被列入八仙嶺郊野公園範圍內,南面則是大埔鳳園。沙螺洞被譽為香港最具生態價值的地方,區內擁有多條河道、荒廢農田、池塘淺灘、沼澤及林地,入面有多種稀有動植物包括兩棲動物、鬥魚、青蛙、淺水魚類以及蜻蜓。區內蜻蜓品種超過六十八種,其中有兩種更是非常特別的品種。沙螺洞山谷內有多條客家村落,包括張屋、李屋及老圍。其中部份村落的村屋因為具有保存價值,已被列為二級歷史建築物。

集合地點: 不適合
起點: 沙螺洞
終點: 沙螺洞
行程: 1 小時
里數: 1 公里
難度: 1 星級
時間: 3:00 pm
領隊: 韋信
團員: 韋信


Subscribe to RSS feed